Novas

Foto vencellada

Hoxe 15 de decembro o club deportivo Río do Pozo celebrou unha das súas máis queridas tradicións aínda que só levemos 3 edicións: A comida de Nadal e sesión fotográfica RDP.

Os nosos pequenos deportistas e os seus técnicos pousaron desde as 10:30 para o noso RDP "Official Photographer" Santi e as súas fotos pronto completarán as fichas dos equipos 2011/12 da nosa web. Fotos, carreiras e xogos foron a constante da mañá no pavillón de Castro.

Ás 13:30, con algo de atraso sobre o programa, empezou a asemblea xeral ordinaria de socios do Club Deportivo Río do Pozo. O orde do día da asemblea incluia a aprobación das contas da tempada pasada e os orzamentos do ano que vén así como a exposición das lineas mestras e proxectos do club a curto e medio prazo. Non podemos pasar sen agrader a atención e as achegas dos socios e en especial a implicación dos pais en este acto.

Logo da asemblea e duns apetitosos entremeses, chegou o prato forte, nunca mellor dito, 6 maxestuosos lacóns que bastaron para alimentar aos máis de 80 membros da familia pocera que compartiron este día.

Mentres os maiores apuraban o café, os nenos xa precalentaban o ambiente a base de carreiras por todo o lugar esperando as actividades da tarde, que comezaron cunha enormerrima caza do tesouro que incluíu múltiples xogos e actividades deseñadas polo noso equipo técnico que fixeron pensar, correr e xogar a todos os pequenos poceros ao ancho e longo do pavillón e as inmediacións da nosa sede.

Cando criamos que xa os tiñamos esgotados organizamos alevosamente un partido de nenos contra pais e nais confiando en que todo o traxín da xornada minguase as forzas dos nosos deportistas. Non foi así. Entre que os nosos poceros son inesgotables e o claro influxo do lacón os pais RDPeros, sempre dispostos a colaborar, sufriron un severo correctivo a mans dos seus fillos.

E con isto concluíu unha exitosa xornada de convivencia do Club Deportivo Río do Pozo chea de xogos, comida, amigos e comunidade. Un éxito que desde aquí queremos agradecer a todos: pais, nenos e socios do club por facer posible días como este, así como aos monitores, delegados e colaboradores do club porque sen eles esta xornada marabillosa non sería posible.

Vémonos nos pavillóns poceros!!


Non perdades de vista o noso facebook e a nosa galería multimedia onde en breve colgaremos fotos da xornada.


O Presidente do Club Deportivo Río del Pozo convoca a todolos socios a ASAMBLEA XERAL ORDINARIA DE SOCIOS/AS da entidade, a cal terá lugar o próximo:


SÁBADO, 15 DE NADAL DE 2012

a las 12:00 horas en primeira convocatoria y

a las 12:30 HORAS en segunda convocatoria,

no CENTRO DEPORTIVO DE CASTRO


co siguinte ORDE DO DÍA:

  • 1. Notificación do cambio del domicilio social do club (Novo domicilio: Centro Deportivo de Castro).

  • 2. Notificación dos cambios producidos na Xunta Directiva.

  • 3. Informe da tempada 2011/2012.

  • 4. Presentación e aprobación, se procede, do balance económico da tempada 2011/2012.

  • 5. Presentación e aprobación, se procede, da memoria de actividades e presuposto de ingresos e gastos correspondente á tempada 2012/2013.

  • 6. Rogos e Preguntas.


Inmediatamente despuis da asemblea terá lugar A Comida de NADAL do Club Deportivo Río do Pozo no mesmo Centro Deportivo de Castro.
O Menú elixido contará con:

  • 1º prato: Entremeses

  • 2º prato: Lacón, Ensalada

  • Sobremesa, Café, Bebida e Pan.


O prezo do mesmo será 11€ para os adultos e 10€ para os nenos.

Para apuntarse é necesaria confirmación antes do próximo día 10/12/2012 a través do delegado ou do correo: presidencia@cdriodopozo.com

Vemonos alí poceiros!!


Foto vencellada

O noso director deportivo e socio fundador Victor Garrote publicou un artigo de opinión no medio comarcal "Volta a Ria".

Enlace ao artigo


No texto debulla polo miúdo a filosofía, os valores e, en resumo, o que fai a este club diferente desde o día que naceu fai moitos anos xa.

A educación, a aposta polo xogo, a igualdade de oportunidades e a competición entendida como parte da formación do alumno da escola e non como un obxectivo en se mesmo son os puntos que trata e explica ao longo do seu texto.

Un artigo imprescindible, non para os RDPeros convencidos, senón para o resto da comunidade educativa e deportiva para que nos entendan no como realizamos o noso labor, educar xogando.

Porque as cousas non se fan porque sexan doadas, fanse porque están ben.

Como diría Victor: "Seguimos traballando." Vémonos no pavillón RDPeros!!


Foto vencellada

Bo comezo para o noso equipo de veteranos que se deita líder, ao ser o primeiro e único partido de veteranos na xornada de hoxe.

Os noso comezaron asentados no seu campo, acazapados para saír ao contraataque aproveitando a velocidade das súas ás. Tras un par de de ocasións do Construcións Cibreiro os noso acabaron a primeira parte cun arreón de presión que pero sen ocasións claras de Gol, co que esta primeira parte acabou 0-0.

A segunda empezou con bo ánimo nos nosos e un Cibreiro ao contraataque, foi así como marcaron o 1-0, tras un balón perdido na medular polo último home. Desde ese momento, o CD Rio do Pozo lanzouse a unha presión a toda pista con numerosas ocasións que non conseguía materializar. A falta de 5 minutos, cun balón roubado na medular e posterior tiro afastado empataron os nosos, facendo xustiza ao visto na segunda parte.

Os laranxas seguiron insistindo, e tras executar con mestría un libre indirecto ao bordo da área consumaron a remontada a falta de minuto e medio. Minuto e medio de correcalles e moita tensión pero o marcador xa non se moveu máis sbor de todo grazas ao noso porteiro que parou un penalti decisivo, 1-2 para os nosos veteranos que empezan con forza esta a súa segunda tempada.

Moito ánimo aos nosos e sorte aos nosos benjamines para a xornada de mañá.


Foto vencellada

O pasado día 20 de Outubro os socios do RDP celebramos o sétimo aniversario do o noso club realizando a II edición de “A Marcha Laranxa”.

A pesar das inquietantes inclemencias do tempo que nos acompañaron ao longo da semana trinta valentes membros da comunidade RDP saímos desde o colexio de Piñeiros con dirección ao local social do Roxal. 

O ceo abriuse para iluminar a xornada cun sol fantástico que fixo moi ameno noso camiñar polo paseo de Xubia, Neda e a subida polo Belelle ata chegar ao Roxal onde se gozamos dunha fantástica comida. 

Tras a mesma, unha tarde de diversión, xogos e deportes variados nos que temos que destacar a entusiasta participación por parte de pais e nais aos que hai que agradecer o facer desta actividade un éxito.

Este é un éxito que demostra que todo tipo de deporte ten cabida no noso club e que o Laranxa está de moda

Tendes dispoñibles fotos do evento no seguinte enlace