Saúdos a todos os RDPeros:

Pouco a pouco, a Copa vai adestrado nas súas xornadas decisivas. A clasificación ou quedar no camiño depende dun fío. Entramos nas semanas nas que todos os equipos se a xogan, xa non hai lugar para fallos se se quere continuar na competición. Así que este domingo se van empezar a xogar moitas cousas para os alumnos da EFS Río do Pozo.

Os prebenxamíns xogarán co Neda "A", ás 17:45, no Pavillón de A Gándara (Narón). Promete ser un encontro igualado, entre dous conxuntos que buscasen a vitoria para así levarse un bo recordo desta Copa. Os prebenxamíns intentarán facer un bo encontro e con iso, mostrando todos os seus progresos nestas últimas semanas.

Os benxamíns xogarán co Cidade de Narón, ás 18:30, no Pavillón de A Gándara (Narón). Sobre o papel, os nosos alumnos deberían levarse o partido, pero tras o tropezón da semana pasada, non se deben de confiar, xa que unha nova derrota pode complicarlles a súa clasificación para a fase final de Copa, mentres que unha vitoria case lla aseguraría.

Os alevíns xogarán co Pizza Tutto/Freixo, ás 18:00, no Pavillón de San Valentín (Fene). Os nosos alumnos, aínda que non partan como favoritos, intentarán realizar un bo encontro e plantalo cara a un dos equipos que conseguiu a vitoria na primeira xornada de Copa.

Os infantís xogarán co CMI Unidade de Fene, ás 18:45, no Pavillón de San Valentín (Fene). Os enfrontamentos entre ambos os dous equipos ao longo desta tempada foron igualados, e todo parece indicar que nesta ocasión tamén vai a selo. Esperemos que os nosos alumnos poidan realizar un bo encontro e consigan nesta Copa un xusto premio que recompense todo o esforzo realizado nesta tempada.

Dende esta web animámosvos a todos os que poidades que visitedes os pavillóns para ver os partidos!!!

Moita sorte a todos os equipos!!! Vémonos na pista!!

Saúdos a todos os RDPeros:

Terceira semana de Copa para os alumnos das categorías prebenxamín, benjamin e infantil e primeira semana para os alevíns. O final da tempada achégase e o domingo tivemos unha nova xornada. Imos ver como foi a cousa:

Os prebenxamíns xogaron co Amistade Meiras "A", no Pavillón Campo da Serra (Santa Icia). O resultado do encontro foi de 5-1 favorable ao Amistade Meirás "A".

Foi un partido moi intenso no que os nosos alumnos xogaron moi ben e con moitas ganas, o cal non foi suficiente para sacar un resultado positivo. O Amistade Meirás "A" xogou a un excelente nivel, e aínda que non dominou claramente o encontro, foi superior.

O noso gol marcouno Borja, transformando de forma impecable un claro penalti.

Unha vez máis vimos unhas incribles intervencións do noso porteiro Andrei, que como sempre, estivo moi atento, e mesmo nunha ocasión chegou co balón controlado ata a metade do campo.
Agradecer o grande apoio dunha aficción entregadísima, que non deixou de animar o equipo en todo momento.

Os benxamíns xogaron co Amistade Meirás, no Pavillón Campo da Serra (Santa Icia). O resultado do encontro foi de 3-5 favorable ao Amistade Meirás.

A pesar de que os nosos alumnos conseguiron adiantarse no marcador, e querían dominar no partido, o partido volveuse moi dificil debido á gran velocidade dalgúns xogadores do Amistade Meirás e a tremenda entrega defensiva que achegaban ao xogo.

Os nosos alumnos xogaron en vantaxe a maior parte do encontro ata que chegaron os minutos finais nos que non se soubo manter a mínima vantaxe e remataron cedendo tres puntos ante un bo equipo Amistade Meirás que se coloca, ao igual que os nosos, con seis puntos na táboa de clasificación e cun partido menos debido á súa xornada de descanso.

Resaltar por parte dos nosos, os continuos repregamentos que tiveron que padecer para evitar os rápidos ataques de Amistade Meirás e o bo traballo de Diego González, en particular, facendo innumerables coberturas aos seus compañeiros e saíndo airoso de multitude de escapadas por banda. Bo traballo, en xeral, de todo o grupo que se esforzou moito para levarse o partido pero que puntuais erros, habituais en alumnos destas etapas, non lles permitiron levarse a vitoria.

Os alevíns xogaron co Materiales del Atlántico - O Parrulo "A", no Pavillón de A Gándara. O resultado do encontro foi de 0-14 favorable ao O Parrulo "A".

Cando teñamos máis datos deste encontro proporcionarémosvolos.

Os infantís xogaron co Materiales del Atlántico - O Parrulo "B", no Pavillón de A Gándara. O resultado do encontro foi de 2-4 favorable ao O Parrulo "B".

Sentimos non ter máis datos deste encontro.

O próximo domingo gozaremos dunha nova xornada de liga. Esperámosvos!!!!

Saúdos a todos os RDPeros:

Temos un novo fin de semana á volta da esquina, o que quere dicir que teremos un novo domingo de partidos. Este domingo teremos unha nova xornada de Copa, a cal inician os alumnos da categoría alevín.

Os prebenxamíns xogarán co Amistade Meirás "A", ás 17:15, no Pavillón Campo da Serra (Santa Icia). Os nosos alumnos intentarán realizar un bo partido para así intentar levarse a vitoria e con iso, loitar para clasificarse para a fase final.

Os benxamíns xogarán co Amistade Meirás, ás 18:00, no Pavillón Campo da Serra (Santa Icia). Partido importante para os nosos alumnos, xa que unha vitoria case os clasificaria para a fase final da Copa. O Amistade Meirás non poñerá o partido doado e irá a gañalo e con iso, darlle máis emoción ao grupo.

Os alevíns inician a Copa co Materiales del Atlántico - O Parrulo "A", ás 18:30, no Pavillón de A Gándara (Narón). Os nosos alumnos quererán empezar a Copa con bo pé e facer unha boa actuación ante O Parrulo "A" e saír satisfeitos do encontro.

Os infantís xogarán co Materiales del Atlántico - O Parrulo "B", ás 19:15, no Pavillón de A Gándara (Narón). Sobre o papel, O Parrulo "B" é o favorito para levarse o encontro, pero os nosos alumnos non lles poñerán as cousas doadas e intentasen facer un bo partido e con iso, arrepor no encontro.

Dende esta web animámosvos a todos os que poidades que visitedes os pavillóns para ver os partidos!!!

Moita sorte a todos os equipos!!! Vémonos na pista!!

A Dirección da Escola de Fútbol Sala Río do Pozo convoca a todo o seu Corpo Técnico (adestradores, delegados e auxiliares) para unha reunión que se celebrará no seguinte lugar, data e horario:

Lugar:
Sede do club
Local Social de Nelle, Estrada de Cedeira, s/n 15578, Narón

Data:
Martes 27 de Abril de 2010

Hora:
20:30 horas

Os asuntos a tratar na devandita reunión serán os seguintes:

- Entrega, por parte do adestrador de cada equipo, das sesións de adestramento levadas a cabo durante o mes de Abril.
- Entrega, por parte do delegado de cada equipo, dos controis de asistencia dos alumnos durante o mes de Abril.
- Entrega, por parte do delegado de cada equipo, dunha ficha onde se detallen todos os inconvenientes que existen en cada un dos equipos que conforman a Escola de Fútbol Sala e co fin de poñelos solución conxunta.

Prégase que por motivo de calquera ausencia ou impuntualidade dos convocados se avise con, polo menos, 24 horas de antelación ao Presidente do club e a través de calquera das seguintes formas:

- Teléfono de contacto: 663 323 202
- Correo electrónico: presidencia@cdriodopozo.com

Lugar, data e hora onde se celebrará a próxima reunión do Corpo Técnico da Escola de Fútbol Sala Río do Pozo:

Mércores, 26 de Maio de 2010, ás 20 horas na Sede do club.

Grazas pola vosa atención.

Saúdos a todos os RDPeros:

O pasado domingo, tivemos unha nova xornada de competición para os alumnos da EFS Río do Pozo. Os alumnos das categorías prebenxamín e benxamín disputaron a segunda xornada de Copa, mentres que os alevíns disputaban a última xornada de Liga e os infantís descansaban.

Os prebenxamíns xogaron co Materiales do Altántico - O Parrulo "A", no Pavillón de A Malata. O resultado do encontro foi de 0-14 favorable ao O Parrulo "A".

Os nosos alumnos empezaron ben o encontro, e durante os primeiros 10 minutos foron igualados cos Campións de Liga. Pero a partir deste momento, os nosos alumnos caéronse tanto física coma moralmente e encaixamos goles ata chegar ao resultado final.

Nuestos alumnos realizaron unha boa actuación ante un dos equipos con máis nivel nesta categoría.

Os benxamíns xogaron co Materiales do Atlántico - O Parrulo "B", no Pavillón de A Malata. O resultado do encontro foi de 8-2 favorable á EFS Río do Pozo.

O partido empezaba ben no resultado, pero non no xogo, con moitos desacertos de cara a portaría a pesar das abundantes chegadas. Unha primeira parte bastante apertada, como vén sendo habitual ultimamente, moi igualada no marcador, xa que chegou a empatar o equipo contrario. Na segunda parte, cun xogo máis fluído se foi decantando para a EFS Rio do Pozo ata chegar ao 8-2.

Marcaron por parte da EFS Río do Pozo: Xavi (3 goles), Mati (2 goles), Luis, Sergio Vilariño e Diego.

Os alevíns xogaron co Pazos Vialca, no Pavillón de A Gándara (Narón). O resultado do encontro foi de 7-0 favorable ao Pazos Vialca.

Cando teñamos os datos deste partido proporcionarémosvolos.

O próximo domingo gozaremos dunha nova xornada de liga. Esperámosvos!!!!