Saúdos a todos os RDPeros:

Estamos nun fin de semana moi importante, xa que é a última xornada de liga para os alumnos das categorías prebenxamín, benxamín e infantil. Os alevíns aínda quédanlles catro xornadas. Pero non vos preocupeis, porque isto non se remata, xa que despois da liga, teremos a Copa. Imos ver que nos espera este domingo:

Os prebenxamíns xogarán no Pavillón de A Gándara, ás 16:15, co Amistade Meirás "B". Promete ser un partido igualado, xa que se enfrontan o 13º co 14º. Esperemos que os nosos alumnos poidan conseguir a vitoria e así rematar a liga sumando tres puntos máis.

Os benxamíns xogarán no Pavillón Campo da Serra (Santa Cecilia) coa Compañia de María, ás 17:15. Os nosos alumnos necesitan a vitoria e tamén que o Roiba Ferca faga o mesmo, ou empate, co Materiales do Atlántico - O Parrulo "A" para que así a EFS Río do Pozo logre o subcampionato de liga.

Os alevíns xogarán no Pavillón Campo da Serra (Santa Cecilia) co Materiales do Atlántico - O Parrulo "B" ás 18:00. Partido dificil para os nosos alumnos, xa que se enfrontan ao 2º clasificado. Intentarán mostrar o bo xogo que lles permitiu lograr o empate a semana pasada ante o Cultural Maniños.

Os infantís xogarán no Pavillón Campo da Serra (Santa Cecilia) co Materiales do Atlántico - O Parrulo "B" ás 18:45. Sobre o papel, esta xornada é totalmente intranscendente, xa que as distancias entre todos os conxuntos son tan amplas, que a clasificación non vai alterarse neste xornada final. O conxunto do O Parrulo "B" é o favorito para levarse o partido e os nosos alumnos intetarán dar o mellor de se mesmos e así poder realizar un bo partido.

Dende esta web animámosvos a todos os que poidades que visitedes os pavillóns para ver os partidos!!!

Moita sorte a todos os equipos!!! Vémonos na pista!!

Saúdos a todos os RDPeros:

Penúltima xornada de liga para os alumnos das categorías prebenxamín, benxamín e infantil. A os alevíns aínda quédanlles unhas cantas xornadas. Así que imos facer un repaso do que pasou este domingo:

Os prebenxamíns xogaron co Amistade Meirás. O resultado do encontro foi de 4-0 favorable ao Amistade Meirás.

Esta foi unha mala xornada para os nosos Prebenxamíns, na que se viu un retroceso no aprendido, e un partido no cal non estiveron metidos nin ben colocados no campo. Non tivemos nin unha soa oportunidade de marcar, e o outro equipo tampouco fixo méritos para conseguir o 4-0, que puido ser moito máis avultado de non ser polas grandes intervencións dun Andrei sempre moi atento e que sobresaíu por enriba de todos os demais. Esperemos que os nosos pequenos recuperen o antes posible as ganas de seguir avanzando para poder sacar adiante o último partido da competición.

Os benxamíns xogaron co Esteiro. O resultado do encontro foi de 7-1 favorable á EFS Río do Pozo.

Partido un pouco desordenado ao principio, con algunhas faltas por ambas as dúas partes, pero pouco a pouco os nosos alumnos fóronse facendo co partido empazando a marcar e poñendo o marcador do noso lado. O Esteiro tivo unha aptitude moi boa pero sen acerto de cara ao gol.

Por parte da EFS Rio do Pozo marcaron Marcos (3 goles), Miguel, Diego, Sergio V e Mati.

Os alevíns xogaron co Cultural Maniños. O resultado do encontro foi de 4-4.

Primeiro punto para os nosos alumnos na competición, nun bo partido ante o Cultural Maniños. A pesar de que o Cultural Maniños se adiantou no resultado, os nosos alumnos foron capaces de darlle a volta ao partido con dous goles de Diego. O dominio do encontro tíñao a EFS Rio do Pozo, pero nunha xogada illada, o Cultrual Maniños conseguiu o empate antes do descanso. Tras a reanudación, os primeiros minutos do segundo tempo foron dominados polos nosos alumnos e lograron poñerse 4-2 no marcador. A última fase do encontro foi dominada polo Cultural Maniños, xa que os nervios xogaron unha mala pasada aos nosos alumnos e remataron por empatar o partido.

Os goles deste partido foron marcados por Diego (3 goles) e David.

Os infantís xogaron co Roiba SB26. O resultado do encontro foi de 0-7 favorable ao Roiba SB26. Sentimos non ter mais datos deste partido.

O próximo domingo gozaremos dunha nova xornada de liga. Esperámosvos!!!!

Saúdos a todos os RDPeros:

Pouquichiño a pouco nos imos achegando ao final de liga nas categorías prebenjamin, benjamin e infantil. A estas ligas só quédanlles 2 xornadas para rematar a liga. A os alevíns, aínda lles quedan 5 xornadas. Pero non vos preocupedes, porque remata a Liga e empeza a Copa, así que teremos competición para anaco.

Os primeiros en xogar este domingo serán os benxamíns, que xogarán co Esteiro, ás 16:15, no Pavillón de A Gándara (Narón). Os nosos alumnos buscarán a vitoria para seguir na loita polo subcampionato. Téñeno ao alcance da man, aínda que probablemente se decida na última xornada.

A continuación, ás 17:00 xogarán, tamén no Pavillón de A Gándara (Narón), os prebenxamíns. Xogarán co Amistade Meirás "A". Sobre o papel, Amistade de Meiras "A" é o favorito, xa que é o 7º na clasificación, mentres que os nosos alumnos son 13º. Pero ben, os partidos hai que xogalos, e non é a primeira vez que se dan as sorpresas.

Os alevíns xogarán co Cultural Maniños, ás 18:00 no Pavillón de A Malata. No partido da primeira volta, o resultado fose de 2-0 favorable ao Cultural Maniños. Dende aquela, os progresos dos nosos alumnos foron en aumento e poden arreporlle a este conxunto.

E por último, xogarán os infantís. Farano co Roiba SB26, ás 18:45 no Pavillón de A Malata. O Roiba SB26 é claro favorito a levarse o partido, xa que é lider invicto. Os nosos alumnos intentarán facer unha boa actuación e con iso, seguir mostrando o seu mejoria partido a partido.

Dende esta web animámosvos a todos os que poidades que visitedes os pavillóns para ver os partidos!!!

Moita sorte a todos os equipos!!! Vémonos na pista!!

Saúdos a todos os RDPeros:

Tras a semana pasada de "descanso forzoso" por culpa do temporal, o pasado domingo, os alumnos da EFS Río do Pozo disputaron unha nova xornada de liga, integramente no Pavillón de San Valentín. Imos ver como lles foi:

Os prebenxamíns xogaron co Roiba Stockers. O resultado do partido foi de 4-0 favorable ao Roiba Stockers.

Esta foi outra preciosa xornada para os nosos prebenxamíns, que continúan avanzando de xeito progresivo no seu coñecemento, e na cal se lles viu mellor colocados no campo que outras veces. Tivemos un par de oportunidades de marcar algún gol, pero a boa fortuna non estivo do noso lado, outra vez será. Animo campións e parabéns a todo o equipo polo gran traballo que están a realizar.

Para este encontro a EFS Rio do Pozo ten contado coas baixas de Antón Carballido por lesión nun dedo e de Joao Marcal, novo xogador da Escola, o cúal non puido ser inscrito ao faltar só tres xornadas de liga.

Os benxamíns xogaron co Materiales del Atlántico - O Parrulo "B". O resultado do partido foi de 1-9 favorable á EFS Río do Pozo.

Os nosos benxamíns sacaron adiante un partido de forma relativamente folgada con bo xogo nalgúns momentos e con ganas noutros, coa novidade do debút de Sergio Leiras como porteiro.

Por parte do noso equipo marcaron: Migui (2 goles), Javi (2 goles), Marcos (2 goles), Luis, Diego e Mati.

Os alevíns xogaron co Cidade de Narón. O resultado do partido foi de 16-0 favorable ao Cidade de Narón.

O partido marco dende o principio a diferenza entre os dous equipos disputandose a maior parte do xogo no noso campo grazas á presión do equipo do Cidade de Narón. Se chegou ao descanso cun resultado de 11-0. Na segunda parte o equipo puxo mais gañas na cancha e gozando dalgunha oportunidade para conseguir algun tanto, pero unhas contras do equipo do Cidade de Narón deixou o resultado final de 16-0.

Para este partido o noso equipo contou coas baixas de Alexandre e Jose Ángel, e coa axuda dos benxamíns Luis e Alex Mejuto.

Os infantís xogaron co CMI Unidade de Fene. O resultado do encontro foi de 5-3 para o CMI Unidade de Fene. Sentimos non poder ofrecer máis datos deste partido.

O próximo domingo gozaremos dunha nova xornada de liga. Esperámosvos!!!!

Saúdos a todos os RDPeros:

Esperamos que esta última semana de "descanso forzoso" por culpa do temporal nos servise para recargar as pilas, porque xa temos un novo fin de semana e volve a emoción da liga, cos partidos dos alumnos da nosa Escola. Xa estamos na fase decisiva da tempada, e iso xa se empeza a notar.

Este domingo, todos os partidos da EFS Río do Pozo celebraranse no Pavillón de San Valentín, así que non vai haber problemas para poder presenciar todos os partidos.

Os prebenxamíns xogarán ás 16:30 co Roiba Stockers. Prevese que sexa un partido igualado e no cal os nosos alumnos seguirán mostrando os seus progresos partido a partido. Esperemos que poidan conseguir a vitoria para así irse máis contentos ao acabar de xogar este partido.

Os benxamíns xogarán ás 17:15 co Materiais do Atlántico - Ou Parrulo "B". Sobre o papel, os nosos alumnos parten como favoritos no choque. Intentasen buscar a vitoria para quitar a espinita da derrota no anterior partido e con iso seguir na loita nos postos altos da clasificación.

Os alevíns xogarán ás 18:00 co Cidade de Narón. Os nosos alumnos enfróntanse co lider invicto da categoría. No partido da primeira volta, o resultado foi de 0-18 favorable ao Cidade de Narón. Os nosos alumnos intentarán facer un bo partido e arreporlle ao principal favorito ao título.

Os infantís xogarán ás 18:45 co CMI Unidade de Fene. Promete ser un partido emocionante, xa que a última vez que se enfrontaron estes conxuntos, o resultado foi de 2-3 favorable ao Unidade de Fene. Esperemos que poida chegar unha vitoria, que sería unha gran recompensa polo traballo que estan facendo os nosos alumnos ao longo da tempada.

Dende esta web animámosvos a todos os que poidades que visitedes os pavillóns para ver os partidos!!!

Moita sorte a todos os equipos!!! Vémonos na pista!!