Mércores 30: Reunión dos Coordinadores da Escola

26/06/2010

A Dirección da Escola de Fútbol Sala Río do Pozo convoca aos seus Coordinadores dos diferentes ciclos para unha reunión que se celebrará no seguinte lugar, data e horario:

Lugar: Sede do club - Local Social de Nelle, Estrada de Cedeira, s/n Narón
Data: Mércores, 30 de Xuño de 2010
Hora: 20 horas

Os asuntos a tratar na devandita reunión serán os seguintes:

- Entrega, por parte de cada Coordinador, das planificacións pedagóxicas para cada unha das categorías formativas da Escola de Fútbol Sala para a próxima tempada.
- Entrega, por parte de cada Coordinador, dunha sesión-tipo de adestramento para cada unha das categorías.
- Entrega, por parte de cada Coordinador, dunha relación onde se detalle o material necesario para o desenvolvemento das actividades de cada un dos Ciclos Formativos detallando número de unidades, características, cor e demais características necesarias.
- Pechar, de forma definitiva, os horarios de adestramentos para a próxima tempada.

Prégase que por motivo de calquera ausencia ou impuntualidade dos convocados se avise con, polo menos, 24 horas de antelación ao Director da Escola e a través de calquera das seguintes formas:

- Teléfono de contacto: 639 946 888
- Correo electrónico: presidencia@cdriodopozo.com

Lugar, data e hora onde se celebrará a próxima reunión do Corpo Técnico da Escola de Fútbol Sala Río do Pozo:

Mércores, 28 de Xullo de 2010, ás 20 horas na Sede do club.

Grazas pola vosa atención.